O MODELO DE AREAS DE XESTION CLINICA DO SERGAS: NOVO ATAQUE PRIVATIZADOR DA SANIDADE PUBLICA GALEGA

  • Comisións Obreiras considera que o decreto da xestión clínica para o Sergas que aprobou a Xunta abre as portas á privatización da sanidade, pois fomentará a creación de microempresas sanitarias que concorrerán entre elas para lograren maiores beneficios. En opinión da Federación de Sanidade de CCOO, os grandes prexudicados serán os usuarios e usuarias do sistema público de saúde

29/10/2013.
xestión clínica

xestión clínica

Desde CCOO consideran «inxustificada» a modificación dun modelo que funciona correctamente e que durante décadas gastou menos recursos que a media europea, «co recoñecemento engadido dunha boa atención sanitaria que é unha das mellores do mundo».

Comisións considera que «sobran» xestores e políticos «que nin defenden nin potencian o sistema sanitario público», e acusan a conselleira Rocío Mosquera e o presidente da Xunta, Alberto Núñez Feijóo, de se preocuparen máis por procurar o beneficio das empresas privadas.

Para CCOO, coa apertura da sanidade pública á empresa privada, primará os beneficios empresariais e non a calidade da asistencia á cidadanía. Deste xeito, haberá doentes crónicos que «rematarán expulsados do sistema, dado que non son rendibles». O sindicato alerta tamén da fragmentación dos hospitais, que se descapitalizarán mediante microempresas xestionadas por si mesmas, «pero sempre á procura dun único interese: os beneficios económicos».

PODEDES CONSULTAR NA LIGAZÓN QUE SE INCLÚE ABAIXO TODO O RELATIVO Á XESTIÓN CLÍNICA TANTO EN GALICIA COMA NOUTRAS COMUNIDADES AUTÓNOMAS

    •

FACEBOOK

TWITTER