Federación de Sanidad y Sectores Sociosanitarios de CCOO Galicia | 12 diciembre 2025.

O SERGAS abre o prazo para recoñecer novos graos de carreira profesional (convocatoria 2025)

  • [11/08/2025]. Os profesionais interesados poderán presentar as súas solicitudes desde o 12 de agosto ata o 30 de setembro a través do FIDES, utilizando un certificado dixital válido. Esta convocatoria permite avanzar nos graos I a IV, recoñecendo diferentes méritos e co obxectivo de valorar e impulsar o desenvolvemento profesional dos traballadores

11/08/2025.
Edificio da Consellería de Sanidade

Edificio da Consellería de Sanidade

No DOG de hoxe 11.08.2025 publícase a Resolución do 21 de xullo da Dirección Xeral de RRHH do SERGAS pola que se convoca ou procedemento ordinario de acceso aos graos I a IV da carreira profesional correspondente ao ano 2025.

Progresar na carreira profesional é un dereito dos profesionais en recoñecemento ao seu desenvolvemento en coñecementos, formación, experiencia, investigación, docencia e demais aspectos relevantes, no seu caso, para a profesión, grupo ou categoría profesional correspondente, así como a súa participación nos obxectivos da organización.

Peticións do grao: farase a través do FIDES na pestana específica habilitada e será preciso un certificado dixital válido para firmar a solicitude.

Prazo de presentación de solicitudes: do 12.08.2025 ao 30.09.2025 (ambos os días incluídos).

Requisitos para o recoñecemento do grao: ter a permanencia esixida no grao anterior, ter os méritos necesarios para obter o grao (que deberán estar rexistrados e acreditados ca data límite do 30 de setembro) e estar en servizo activo (ou ter reserva de praza) calquera día entre o 1 de agosto e o 30 de setembro.

Méritos que se valoran: os acadados dende a data de efecto administrativo do grao anterior ata o último día de prazo de presentación de solicitudes desta convocatoria (30 de setembro).

Efectos económicos das resolucións estimatorias: a partir do 1 de xaneiro de 2026 e percibirase o 100% do valor do complemento de carreira.

É importante lembrar os cursos de ACIS que outorgan 1 punto dentro da área IV (implicación e compromiso coa organización). Son: “a comunicación coas persoas xordas na consulta” (código 2518370) e “sostibilidade no Servizo Galego de Saúde” (código 2518710). 

Enquisas de avaliación da área I (competencias persoais): estarán dispoñibles durante o mes de outubro.

Hai que lembrar que a FSS-CCOO de Galicia logrou no ano 2022 que máis de vinte mil traballadoras do SERGAS e entidades adscritas á Consellería de Sanidade fosen incluídos na carreira profesional. O Tribunal Supremo deu a razón a CCOO e considerou que a carreira forma parte das condicións de traballo, polo que non procede ningún tipo de discriminación cara ao persoal temporal.

Enlaces de interese:

1. Resolución do 21 de xullo de 2025, da Dirección Xeral de Recursos Humanos, pola que se convoca o procedemento ordinario de acceso aos graos I a IV da carreira profesional correspondente ao ano 2025.

2. Orde do 20 de xullo de 2018 pola que se publica o acordo sobre as bases da carreira profesional ordinaria no SERGAS. DOG luns 30 de xullo de 2018. 

https://www.xunta.gal/dog/Publicados/2018/20180730/AnuncioC3K1-200718-0001_gl.pdf

3. Orde do 1 de marzo de 2022 pola que se aproba o baremo da área I da carreira profesional do SERGAS. DOG mércores 9 de marzo de 2022.

https://www.sergas.es/Recursos-Humanos/Documents/22288/_Orde%20de%201%20de%20marzo%20de%202022%20area%20I.pdf

4. Orde do 21 de xullo de 2021 pola que se aproba o baremo das áreas III e IV da carreira profesional do SERGAS. DOG venres 6 de agosto de 2021.

https://www.xunta.gal/dog/Publicados/2021/20210806/AnuncioC3K1-270721-0004_gl.pdf

5. Resolución do 3 de agosto de 2023, da Dirección Xeral de Recursos Humanos, pola que se publican seis acordos da Comisión de Seguimento da carreira profesional. DOG xoves 17 de agosto de 2023.

  • Acordo 1. Sobre a data en que se iniciou o cómputo dos períodos de permanencia.
  • Acordo 2. Traxectoria profesional en varias categorías/especialidades. Cómputo da permanencia.
  • Acordo 3. Traxectoria profesional en varias categorías/especialidades. Progreso alternativo.
  • Acordo 4. Traxectoria profesional en varias categorías/especialidades. Principio xeral para o progreso na carreira polo réxime ordinario.
  • Acordo 5. Recoñecemento ao persoal estatutario temporal, que preste servizos en Galicia, dos graos de carreira profesional acadados noutros servizos de saúde.
  • Acordo 6. Acceso do persoal residente en formación do Servizo Galego de Saúde ao seu sistema de carreira profesional.

https://www.xunta.gal/dog/Publicados/2023/20230817/AnuncioG0003-070823-0002_gl.pdf

6. Resolución do 9 de agosto de 2024, da Dirección Xeral de RecursosHumanos, pola que se publican catro acordos da Comisión de Seguimento da carreira profesional. DOG martes 20 de agosto de 2024.

  • Acordo 1. Cómputo de permanencia. Escala de saúde pública e administración sanitaria creada pola Lei 17/1989.
  • Acordo 2. Consideración dos postos de xefatura, coordinación e directivos como destino definitivo do persoal estatutario fixo.
  • Acordo 3. Situacións excepcionais para os efectos de baremo e avaliación dos períodos nos que non se desempeñaron funcións propias da categoría/especialidade cuxo novo grao se solicita.
  • Acordo 4. Situación excepcional para os efectos de baremo e avaliación mentres non se desenvolve a área II.

https://www.sergas.es/Recursos-Humanos/Documents/27379/Acordos%20comisi%C3%B3n%20de%20seguimento%20de%20carreira%20profesional.pdf

7. Modelos de solicitude de homologación da carreira profesional alcanzada noutro servizo de saúde:

Documentación asociada

DOG convocatoria 2025 carreira profesional

Nota informativa

    •
Documentación asociada

DOG convocatoria 2025 carreira profesional

Nota informativa

FACEBOOK

TWITTER